Bemoediging
|
Die wat na die see toe afdaal in skepe, wat handel drywe op die groot waters— húlle het die werke van die HERE gesien en Sy wonders in die diepte. Want Hy het gespreek en 'n stormwind laat opsteek wat die golwe daarvan opgesweep het. Hulle het opgerys na die hemel, neergedaal na die dieptes—hulle siel het vergaan van wee. Hulle het getuimel en gewaggel soos 'n dronk man, en al hulle wysheid is verwar. Toe het hulle die HERE aangeroep in hul benoudheid, en uit hul angste het Hy hulle uitgelei. Hy het die storm 'n gesuis gemaak, en hulle golwe het stil geword. Toe was hulle bly, omdat dit rustig geword het, en Hy het hulle gelei na die hawe van hul begeerte. Laat hulle die HERE loof om Sy goedertierenheid en om Sy wonderdade aan die mensekinders.
Psalm 107:23-31 |
God bly ons anker in tye van nood en die Bybel, Sy brief aan ons, kan met groot nut gebruik word in tye van probleme, vertwyfelinge, siektes, kragteloosheid, moedeloosheid, depressie, hartseer en 'n duisend ander lewensvrae en situasies.
'n Paar sulke onderwerpe word gegee met enkele toepaslike Bybelverwysings. Die aangeduide tekse is net enkele rigtingwysers. Dis verkieslik dat die hele hoofstuk of dan minstens die paragraaf voor en na die aangeduide Bybelvers ook gelees word om beter oorsig oor die konteks van die teks te kry.
Mag die lys hieronder tot bemoeding dien.
|
