Heiligmaking
Maar ons moet God altyd oor julle dank, broeders wat deur
die Here bemin word, dat God julle van die begin af verkies het tot
saligheid in heiligmaking van die Gees en geloof in die waarheid,
2 Thessalonicense
2:13
Meer oor Heiligmaking
Jesus wil graag hê ons moet
gesalf wees en heiligmaking al hoe meer ontvang. So
bid Hy vir ons, ja ook vir jou en vir my, Sy kudde.
Kyk wat sien ons in die Bybel daar in
Johannes 17 verse 18-20
18 Soos U My gestuur het in die wêreld, het
Ek ook hulle in die wêreld gestuur.
19 En Ek heilig Myself vir hulle, sodat hulle
ook in waarheid geheilig kan wees.
20 Maar Ek bid nie vir hulle alleen nie, maar
ook vir die wat deur hulle woord in My sal glo—
Voorwaar, die Here Jesus het SELF vir ons, wat nou
leef en in erns in Hom glo, gebid vir heiligmaking.
Wat 'n grootste gedagte om te probeer visualiseer en
in te neem! Ek dank die Here vir daardie gebed, wat
so oop en bloot daar in die Bybel is. Ja, sowaar vir my en vir
alle ander gelowiges. Heiligmaking is 'n voordurende proses en iets
waarna die Christen al hoe meer en meer moet streef.
Dit word so beskryf in 2 Korinthiers 7 vers 1
Terwyl ons dan hierdie beloftes het, geliefdes, laat
ons ons van alle besoedeling van die vlees en die
gees reinig, en laat ons die heiligmaking in die
vrees van God volbring.
En in 1 Korinthiers 6 verse 10-11 lees ons
ook hóé belangrik heiligmaking is.
1 Korinthiers
6:10-11
10 Moenie dwaal nie! Geen hoereerders of
afgodedienaars of egbrekers of wellustelinge of
sodomiete of diewe of gierigaards of dronkaards of
kwaadsprekers of rowers sal die koninkryk van God
beërwe nie.
11 En dit was sommige van julle; maar julle
het jul laat afwas, maar julle is geheilig, maar
julle is geregverdig in die Naam van die Here Jesus
en deur die Gees van onse God.
Waarom sou mens 'n baba in die geloof wil bly?
1
Petrus 2 vers 2 sê dat ons na suiwer geestelike
voedsel moet smag. Ja, ons moet inderdaad groei in die geloof en tot oorlopens
toe vol vrugte van die geloofsgees dra.
Heiligmaking kan ook nie uit ons eie krag gebeur
nie. Jesus belowe dat ons die Trooster, naamlik die
Heilige Gees sal ontvang, wat ons sal herinner aan
Jesus se Boodskap en ons sal leer en lei en daar
bring binne die Vader se wil vir ons. (Johannes 14
vers 26)
En word nie aan
hierdie wêreld gelykvormig nie, maar word verander
deur die vernuwing van julle gemoed, sodat julle kan
beproef wat die goeie en welgevallige en volmaakte
wil van God is.
Romeine
12:2
|
